Karnataka logo

Karnataka Tourism
GO UP

ಕವಲೆದುರ್ಗ ಕೋಟೆ

separator
ಕೆಳಗೆ ಸ್ಕ್ರಾಲ್ ಮಾಡಿ

ಕವಲೆದುರ್ಗ ಕೋಟೆ ಮಲೆನಾಡು (ಪಶ್ಚಿಮ ಘಟ್ಟ) ದ ಗುಪ್ತ ರತ್ನಗಳಲ್ಲಿ ಒಂದಾಗಿದೆ. ಕವಲೆದುರ್ಗ 9 ನೇ ಶತಮಾನದ ಐತಿಹಾಸಿಕ ಕೋಟೆ ಮತ್ತು ಕಡಿಮೆ ಪ್ರಸಿದ್ದಿ, ಜನಸಂದಣಿಯ ಕಾರಣ ಅನನ್ಯ ತಾಣವಾಗಿದೆ.

ಕವಲೆದುರ್ಗದ  ಆಕರ್ಷಣೆಗಳು

  • ಪ್ರಭಾವಶಾಲಿ ಕೋಟೆ ರಚನೆ: ಕವಲೆದುರ್ಗ ಕೋಟೆಯು 3 ಸುತ್ತುಗಳ ಕಲ್ಲಿನ ಗೋಡೆಗಳನ್ನು ಹೊಂದಿದೆ ಮತ್ತು ಇದು 16 ನೇ ಶತಮಾನದಲ್ಲಿ ಕೆಳದಿ ನಾಯಕರ (ಕರ್ನಾಟಕದ ಪ್ರಮುಖ ಆಡಳಿತ ರಾಜವಂಶ ಮತ್ತು ವಿಜಯನಗರ ಸಾಮ್ರಾಜ್ಯದ ಸಾಮಂತ) ಬಲವಾದ ಹಿಡಿತದಲ್ಲಿತ್ತು. 
  • ದೇವಾಲಯಗಳು ಮತ್ತು ಅರಮನೆಯ ಅವಶೇಷಗಳು: ಭುವನಗಿರಿ ಎಂದೂ ಕರೆಯಲ್ಪಡುವ ಕವಲೆದುರ್ಗ ಕೋಟೆಯಲ್ಲಿ ಈಗ ಅರಮನೆ, ಸ್ನಾನದ  ತೊಟ್ಟಿ, ಕಾವಲು ಕೊಠಡಿಗಳು ಮತ್ತು ಶಸ್ತ್ರಾಸ್ತ್ರ ಗೋದಾಮಿನ ಕೆಲವು ಅವಶೇಷಗಳಿವೆ. ಕೋಟೆಯ ಮೇಲಿರುವ ಸಿಹಿನೀರಿನ ಕೊಳವು ಅತ್ಯುತ್ತಮ ಸ್ಥಿತಿಯಲ್ಲಿದೆ. ಬೆಟ್ಟದ ಮೇಲಿರುವ ಶ್ರೀಕಾಂಥೇಶ್ವರ ದೇವಸ್ಥಾನ ಮತ್ತು ನಂದಿ ಮಂಟಪವನ್ನು ನೋಡಬಹುದಾಗಿದೆ. 
  • ಪಾದಯಾತ್ರೆ ಮತ್ತು ಚಾರಣದ ಅನುಭವ: ಕವಲೆದುರ್ಗ ಕೋಟೆಯ ಮೇಲ್ಭಾಗದವರೆಗೆ ಪಾದಯಾತ್ರೆ ಮಾಡುವುದು ಉತ್ತಮ ವ್ಯಾಯಾಮ. 
  • ಉತ್ತಮ ವೀಕ್ಷಣೆ: ಮೋಡವಿಲ್ಲದ ಸ್ಪಷ್ಟ ಹವಾಮಾನದ ದಿನಗಳಲ್ಲಿ ಸುಂದರವಾದ ಸಹ್ಯಾದ್ರಿ ಬೆಟ್ಟಗಳ ಅದ್ಭುತ ನೋಟಗಳನ್ನು ಕವಲೆದುರ್ಗದ ತುತ್ತ ತುದಿಯಿಂದ ನೋಡಬಹುದಾಗಿದೆ. 

ಕವಲೆದುರ್ಗವನ್ನು ಹತ್ತಿ ಇಳಿಯುವುದು ದೈಹಿಕವಾಗಿ ಸದೃಢವಾಗಿರುವವರಿಗೆ ಎರಡು ಮೂರು ಗಂಟೆಗಳ ಸಮಯ ತೆಗೆದುಕೊಳ್ಳುತ್ತದೆ.

ಕವಲೆದುರ್ಗಕ್ಕೆ ಪ್ರವೇಶ ಸಂಜೆ 5 ಗಂಟೆಗೆ ಮುಚ್ಚುತ್ತದೆ.

ಪಾರ್ಕಿಂಗ್ ಪ್ರದೇಶದ ಸಮೀಪವಿರುವ ಚಹಾ ಅಂಗಡಿಯೊಂದನ್ನು ಹೊರತುಪಡಿಸಿ ಕವಲೆದುರ್ಗದಲ್ಲಿ ಹೆಚ್ಚಿನ ಸೌಲಭ್ಯಗಳು ಲಭ್ಯವಿಲ್ಲ. ನೀರಿನಂತಹ ಅಗತ್ಯ ವಸ್ತುಗಳನ್ನು ಜೊತೆಗೆ ತೆಗೆದುಕೊಂಡು ಹೋಗುವುದು ಉತ್ತಮವಾಗಿದೆ. 

ಹತ್ತಿರ: ಕವಲೆದುರ್ಗ ಶಿವಮೊಗ್ಗ ಅಥವಾ ತೀರ್ಥಹಳ್ಳಿ ಪಟ್ಟಣದಿಂದ ವಾರಾಂತ್ಯದ ಪ್ರವಾಸಕ್ಕೆ ಉತ್ತಮ ಸ್ಥಳವಾಗಿದೆ. ಕವಿಶೈಲ (ಜ್ಞಾನಪೀಠ ಪ್ರಶಸ್ತಿ ಪುರಸ್ಕೃತ ಕವಿ ಕುವೆಂಪು ಅವರ ಮನೆ), ಅಗುಂಬೆ, ಕುಂದಾದ್ರಿ ಬೆಟ್ಟ, ಗಾಜನೂರು ಅಣೆಕಟ್ಟು ಹತ್ತಿರದ ಇತರ ಆಕರ್ಷಣೆಗಳಾಗಿವೆ. 

ಕವಲೆದುರ್ಗವನ್ನು ತಲುಪುವುದು ಹೇಗೆ:

ಕವಲೆದುರ್ಗ ಹತ್ತಿರದ ಪಟ್ಟಣವಾದ ತೀರ್ಥಹಳ್ಳಿಯಿಂದ 18 ಕಿ.ಮೀ, ಮಂಗಳೂರಿನಿಂದ 133 ಕಿ.ಮೀ, ಮತ್ತು ಬೆಂಗಳೂರಿನಿಂದ 365 ಕಿ.ಮೀ ದೂರದಲ್ಲಿದೆ. ಶಿವಮೊಗ್ಗವು ಹತ್ತಿರದ ರೈಲು ನಿಲ್ದಾಣವಾಗಿದೆ (72 ಕಿ.ಮೀ ದೂರದಲ್ಲಿದೆ), ಮಂಗಳೂರು ಹತ್ತಿರದ ವಿಮಾನ ನಿಲ್ದಾಣವಾಗಿದೆ (130 ಕಿ.ಮೀ ದೂರದಲ್ಲಿ) ಮತ್ತು ಕವಲೇದುರ್ಗಕ್ಕೆ ಭೇಟಿ ನೀಡಲು ಟ್ಯಾಕ್ಸಿಗಳನ್ನು ಪಡೆಯಬಹುದಾದ ಹತ್ತಿರದ ಪಟ್ಟಣ ತೀರ್ಥಹಳ್ಳಿ.

ವಸತಿ:

ತೀರ್ಥಹಳ್ಳಿ ಪಟ್ಟಣವು ಅನೇಕ ಹೋಟೆಲ್‌ಗಳನ್ನು ಹೊಂದಿದೆ. ತೀರ್ಥಹಳ್ಳಿ ಮತ್ತು ಶಿವಮೊಗ್ಗ  ಸುತ್ತಮುತ್ತ ಹಲವಾರು ಹೋಂ ಸ್ಟೇ ಆಯ್ಕೆಗಳು ಲಭ್ಯವಿದೆ.

Tour Location

Leave a Reply

Accommodation
Meals
Overall
Transport
Value for Money