Karnataka logo

Karnataka Tourism
GO UP

ಪಿರಮಿಡ್ ವ್ಯಾಲಿ

separator
ಕೆಳಗೆ ಸ್ಕ್ರಾಲ್ ಮಾಡಿ

ಪಿರಮಿಡ್ ವ್ಯಾಲಿ: ಪಿರಮಿಡ್ ಕಣಿವೆ ಬೆಂಗಳೂರು ನಗರದ ದಕ್ಷಿಣದಲ್ಲಿರುವ ಒಂದು ಆಧ್ಯಾತ್ಮಿಕ ಕೇಂದ್ರವಾಗಿದೆ, ಇದು ದೈತ್ಯ ಪಿರಮಿಡ್ ಆಕಾರದ ಧ್ಯಾನ ಕೇಂದ್ರಕ್ಕೆ ಜನಪ್ರಿಯವಾಗಿದೆ.

ಪಿರಮಿಡ್ ಕಣಿವೆಯ ಪ್ರಮುಖ ಮುಖ್ಯಾಂಶಗಳು

  • ಮೈತ್ರೇಯ ಬುದ್ಧ ಪಿರಮಿಡ್: ಪಿರಮಿಡ್ ಕಣಿವೆಯಲ್ಲಿನ ಪ್ರಮುಖ ಆಕರ್ಷಣೆ, ಮೈತ್ರೇಯ ಬುದ್ಧ ಪಿರಮಿಡ್ ವಿಶ್ವದ ಅತಿದೊಡ್ಡ ಪಿರಮಿಡ್ ಧ್ಯಾನಕೇಂದ್ರವಾಗಿದೆ. ಸುಮಾರು 10 ಅಂತಸ್ತಿನ ಎತ್ತರ (102 ಅಡಿ ಎತ್ತರ) ಮತ್ತು 160 ಅಡಿ 160 ಅಡಿಗಳಷ್ಟು ಪಾಯದ ವಿಸ್ತೀರ್ಣ ಹೊಂದಿದೆ. ಮೈತ್ರೇಯ ಬುದ್ಧ ಪಿರಮಿಡ್ ಉತ್ತರ-ದಕ್ಷಿಣ ದಿಕ್ಕಿನಲ್ಲಿದೆ, ಇದನ್ನು ಗಿಜಾದಲ್ಲಿರುವ ಪಿರಮಿಡ್ ಮಾದರಿಯನ್ನು ಆಧರಿಸಿ  ನಿರ್ಮಿಸಲಾಗಿದೆ ಮತ್ತು ಮೂರನೇ ಮಹಡಿಯಲ್ಲಿ ತೀವ್ರವಾದ ಧ್ಯಾನವನ್ನು ಅಭ್ಯಾಸ ಮಾಡಲು ಸಣ್ಣ ಕೋಣೆಯನ್ನು ಹೊಂದಿದೆ.
  • ಬಂಡೆಗಳು, ಉದ್ಯಾನಗಳು, ನದಿ ಮತ್ತು ಬೆಟ್ಟಗಳು: ಪಿರಮಿಡ್ ವ್ಯಾಲಿ ಕ್ಯಾಂಪಸ್‌ನಲ್ಲಿ ಬೆಟ್ಟಗಳ ಸುಂದರವಾದ ಹಿನ್ನೆಲೆ ಇದೆ, ಒಂದು ಸಣ್ಣ ನದಿ ಹರಿಯುತ್ತದೆ, ಸುಂದರವಾದ ಉದ್ಯಾನಗಳು ಮತ್ತು ಶಿಲಾ ಶಿಲ್ಪಗಳು ಬಂದವರ ಮನ ಸೂರೆಗೊಳ್ಳುತ್ತವೆ. 
  • ಆಧ್ಯಾತ್ಮಿಕ ಕಾರ್ಯಕ್ರಮಗಳು: ಕಾಲಕಾಲಕ್ಕೆ ಪಿರಮಿಡ್ ಕಣಿವೆಯಲ್ಲಿ ಧ್ಯಾನ ತರಗತಿಗಳು, ರಿಟ್ರೀಟ್ (ಶಿಬಿರಗಳು)  ಮತ್ತು ಇತರ ಕಾರ್ಯಕ್ರಮಗಳು ನಡೆಯುತ್ತವೆ. 

ಭೇಟಿ ಸಮಯ: ಪಿರಮಿಡ್ ಕಣಿವೆ ಬೆಳಿಗ್ಗೆ 9 ರಿಂದ ಸಂಜೆ 6 ರವರೆಗೆ ಪ್ರವಾಸಿಗರಿಗೆ ತೆರೆದಿರುತ್ತದೆ.

ತಲುಪುವುದು ಹೇಗೆ?

ಪಿರಮಿಡ್ ಕಣಿವೆ ಬೆಂಗಳೂರು ನಗರದಿಂದ ದಕ್ಷಿಣಕ್ಕೆ 40 ಕಿ.ಮೀ ದೂರದಲ್ಲಿದೆ. ಬೆಂಗಳೂರು ಅಂತರಾಷ್ಟ್ರೀಯ ವಿಮಾನ ನಿಲ್ದಾಣವು 80 ಕಿ.ಮೀ ದೂರದಲ್ಲಿದೆ. ಬೆಂಗಳೂರು ನಗರವು ಹತ್ತಿರದ ರೈಲು ನಿಲ್ದಾಣವಾಗಿದೆ. ಬೆಂಗಳೂರಿನಿಂದ ಟ್ಯಾಕ್ಸಿ ಬಾಡಿಗೆಗೆ ಪಡೆದು ಪಿರಮಿಡ್ ಕಣಿವೆಯನ್ನು  ತಲುಪಬಹುದಾಗಿದೆ. 

ವಸತಿ: ಪಿರಮಿಡ್ ವ್ಯಾಲಿ ಕ್ಯಾಂಪಸ್ ಬಜೆಟ್ ಮತ್ತು ಐಷಾರಾಮಿ ವಸತಿ ಸೌಕರ್ಯಗಳನ್ನು ಒದಗಿಸುತ್ತದೆ. ಬೆಂಗಳೂರು ನಗರದಲ್ಲಿ ಹೆಚ್ಚಿನ ಹೋಟೆಲ್ ಆಯ್ಕೆಗಳು ಲಭ್ಯವಿದೆ.

ಅಧಿಕೃತ ವೆಬ್‌ಸೈಟ್: https://pyramidvalley.org/

    Tour Location

    Leave a Reply

    Accommodation
    Meals
    Overall
    Transport
    Value for Money

    Screen Reader A- A A+