ಕಡಲತೀರಗಳು

ಒತ್ತಿನೆಣೆ ಕಡಲತೀರ ಕರಾವಳಿ ಕರ್ನಾಟಕದ ಒಂದು ಸುಂದರವಾದ ಕಡಲತೀರವಾಗಿದೆ. ಒತ್ತಿನೆಣೆ ಕಡಲತೀರದ ಹತ್ತಿರದಲ್ಲಿ ಎತ್ತರದ ಗುಡ್ಡವಿದ್ದು (ಕ್ಷಿತಿಜ ನೇಸರ ಧಾಮ) ಮೇಲಿನಿಂದ ನೋಡಿದಾಗ ಒತ್ತಿನೆಣೆ ಕಡಲತೀರ ಮತ್ತು ಹಿನ್ನೀರು ನಯನ ಮನೋಹರವಾಗಿ ಕಾಣಿಸುತ್ತದೆ. ಒತ್ತಿನೆಣೆ ಉಡುಪಿ ಜಿಲ್ಲೆಯ ಬೈಂದೂರು ನಗರಕ್ಕೆ ಹತ್ತಿರವಾಗಿದೆ.

ಉತ್ತರ ಕನ್ನಡ ಜಿಲ್ಲೆಯಲ್ಲಿರುವ ಕರಾವಳಿ ನಗರವಾದ ಗೋಕರ್ಣದಲ್ಲಿ ಓಂ ಕಡಲತೀರ ಪ್ರಮುಖ ಪ್ರವಾಸಿ ಆಕರ್ಷಣೆಯಾಗಿದೆ. ಓಂ ಕಡಲತೀರ ಮೇಲಿನಿಂದ ನೋಡಿದಾಗ ಹಿಂದೂ ಪೌರಾಣಿಕ ಚಿಹ್ನೆಯಾದ ‘ಓಂ (ॐ)’ ನಂತೆ ಕಾಣುತ್ತದೆ.

ಕಾಪು ಕರಾವಳಿ ಕರ್ನಾಟಕದ ಕಡಲತೀರದ ಹಳ್ಳಿಯಾಗಿದ್ದು, ಶ್ರೀ ಕೃಷ್ಣನ ಊರಾದ ಉಡುಪಿಯಿಂದ 15 ಕಿ.ಮೀ ದೂರದಲ್ಲಿದೆ, ಕಡಲತೀರದ ಬಳಿ ಇರುವ ದೀಪ ಸ್ಥ೦ಭ‌ ಬಹಳ ಜನಪ್ರಿಯವಾಗಿದೆ.

ತಣ್ಣೀರು ಭಾವಿ ಕಡಲತೀರ ಕರಾವಳಿ ಕರ್ನಾಟಕದ ಮಂಗಳೂರು ನಗರದ ಸಮೀಪವಿರುವ ಜನಪ್ರಿಯ ಕಡಲತೀರವಾಗಿದೆ.

ದೇವಬಾಗ್ ಉತ್ತರ ಕನ್ನಡ ಜಿಲ್ಲಾ ಕೇಂದ್ರ ಕಾರವಾರದ ಅತ್ಯಂತ ಜನಪ್ರಿಯ ಕಡಲತೀರವಾಗಿದೆ. ದೇವ‌ಬಾಗ್ ಕಡಲತೀರ 20 ನೇ ಶತಮಾನದ ಆರಂಭದಲ್ಲಿ ಕಾರವಾರಕ್ಕೆ ಭೇಟಿ ನೀಡಿದ ಪ್ರಸಿದ್ಧ ಕವಿ ಶ್ರೀ ರವೀಂದ್ರನಾಥ ಟಾಗೋರರಿಗೆ ಸ್ಫೂರ್ತಿ ನೀಡಿದ ಸ್ಥಳವಾಗಿದೆ. ದೇವ‌ಬಾಗ್ ಕಡಲತೀರದಲ್ಲಿ ಹಲವು ಐಷಾರಾಮಿ ರೆಸಾರ್ಟ್ಗಳು ಲಭ್ಯವಿವೆ.

ಕರಾವಳಿ ಕರ್ನಾಟಕದ ಮಂಗಳೂರು ನಗರದ ಅತ್ಯಂತ ಜನಪ್ರಿಯ ಬೀಚ್‌ಗಳಲ್ಲಿ ಪಣಂಬೂರು ಕಡಲತೀರ ಒಂದಾಗಿದೆ. ಪಣಂಬೂರು ಕಡಲತೀರವನ್ನು ಖಾಸಗಿಯವರು ನಿರ್ವಹಿಸುತ್ತಿದ್ದಾರೆ ಮತ್ತು ಪಣಂಬೂರು ಕಡಲತೀರ ಹಲವಾರು ಮನರಂಜನಾ ಚಟುವಟಿಕೆಗಳು ಲಭ್ಯವಿವೆ.

ಮರವಂತೆ ಕರ್ನಾಟಕ ಕರಾವಳಿಯ ಒಂದು ವಿಶಿಷ್ಟ ಕಡಲತೀರವಾಗಿದೆ. ಒಂದು ಕಡೆ ವಿಶಾಲ ಅರಬ್ಬೀ ಸಮುದ್ರ, ಇನ್ನೊಂದೆಡೆ ರಮಣೀಯ ಸೌಪರ್ಣಿಕಾ ನದಿ, ಮಧ್ಯೆ ರಾಷ್ಟೀಯ ಹೆದ್ದಾರಿ ೬೬. ಇಂತಹ ವಿಶಿಷ್ಟ ದೃಶ್ಯ ಭಾರತದ ಇನ್ನೆಲ್ಲೂ ಇಲ್ಲ. ಔಟ್ ಲುಕ್ ಟ್ರಾವೆಲರ್ ಪತ್ರಿಕೆ ೨೦೦೫ರಲ್ಲಿ ಮರವಂತೆ ಕಡಲ ತೀರಕ್ಕೆ ಕರ್ನಾಟಕದ ಅತ್ಯಂತ ಸುಂದರ ಬೀಚ್ ಎಂಬ ಪಟ್ಟ ನೀಡಿದೆ.

ಉಡುಪಿ ಹತ್ತಿರದ ಮಲ್ಪೆ ಕಡಲತೀರ ಮತ್ತು ಸಂತ ಮೇರಿಯ ದ್ವೀಪವು ಕರಾವಳಿ ಕರ್ನಾಟಕದ ಜನಪ್ರಿಯ ವಿಹಾರ ತಾಣವಾಗಿದೆ. ಸಂತ ಮೇರಿಯ ದ್ವೀಪ ಅದರ ತೆಂಗಿನ ಮರಗಳು, ಅಗ್ನಿಶಿಲೆ ಬಂಡೆಗಳು ಮತ್ತು ಸುಂದರ ಕಡಲತೀರಗಳಿಂದಾಗಿ ಸ್ಥಳೀಯ ಮತ್ತು ಅಂತರರಾಷ್ಟ್ರೀಯ ಪ್ರವಾಸಿಗರನ್ನು ಸಮಾನವಾಗಿ ಆಕರ್ಷಿಸುತ್ತದೆ. ಐತಿಹಾಸಿಕ ಅನ್ವೇಷಕ ವಾಸ್ಕೋ ಡ ಗಾಮಾ ಭಾರತವನ್ನು ಸಮೀಪಿಸಿದಾಗ ಮೊದಲು ತಲುಪಿದ್ದು ಸಂತ ಮೇರಿಯ ದ್ವೀಪಕ್ಕೆ ಎನ್ನಲಾಗಿದೆ.

ಮುರುಡೇಶ್ವರವು ಕರಾವಳಿ ಕರ್ನಾಟಕದ ಉತ್ತರ ಕೆನರಾ ಜಿಲ್ಲೆಯ ಭಟ್ಕಲಾ ತಾಲ್ಲೂಕಿನಲ್ಲಿರುವ ದೇವಾಲಯದ ಪಟ್ಟಣವಾಗಿದೆ. ಮಂಗಳೂರು- ಕಾರ್ವಾರ್ ಮುಖ್ಯ ಹೆದ್ದಾರಿಯಲ್ಲಿದೆ, ಮತ್ತು ಇದು ಸುಂದರವಾದ ಪಶ್ಚಿಮ ಘಟ್ಟಗಳು ಮತ್ತು ಅರೇಬಿಯನ್ ಸಮುದ್ರದ ನಡುವೆ ಇದೆ . ಇದರ ಪ್ರಮುಖ ಆಕರ್ಷಣೆಯೆಂದರೆ ಚಾಲುಕ್ಯ ಮತ್ತು ಕದಂಬ ಶಿಲ್ಪಕಲೆಗಳನ್ನು ಹೊಂದಿರುವ ಶಿವ ದೇವಾಲಯವಾಗಿದ್ದು, ದ್ರಾವಿಡ ಶೈಲಿಯ ವಾಸ್ತುಶಿಲ್ಪದಲ್ಲಿ ಶುದ್ಧವಾದ ಕಡಲತೀರದಲ್ಲಿ ಅದ್ಭುತವಾದ ಶಿವ ಪ್ರತಿಮೆಯನ್ನು ನಿರ್ಮಿಸಲಾಗಿದೆ. ಈ ದೇವಾಲಯವು ಬೆಟ್ಟದ ಮೇಲೆ ಇದೆ, ಇದು ಸಮುದ್ರದ ಭವ್ಯ ನೋಟವನ್ನು ನೀಡುತ್ತದೆ.

ಕರಾವಳಿ ಕರ್ನಾಟಕದ ಮಂಗಳೂರು ನಗರದ ಹೊರವಲಯದಲ್ಲಿರುವ ಸೋಮೇಶ್ವರ ಕಡಲತೀರ ಹಲವು ಬಂಡೆಗಳಿರುವ ಕಡಲತೀರವಾಗಿದೆ. ನೇತ್ರಾವತಿ ನದಿ ಸೋಮೇಶ್ವರ ಕಡಲತೀರದ ಬಳಿ ಅರಬ್ಬೀ ಸಮುದ್ರ ಸೇರುತ್ತದೆ . ಸೋಮೇಶ್ವರ ಕಡಲತೀರ ಹತ್ತಿರದ ಸೋಮೇಶ್ವರ ದೇವಸ್ಥಾನದಿಂದ ಈ ಹೆಸರನ್ನು ಪಡೆದುಕೊಂಡಿದೆ.